انونز انا من وانا عندي ٤ سنين كنت بتعرض لابشع صور العنف الاسري من اخويا اللي اكبر مني ب ١٣ سنة انا كنت نزلت قصتي على ايجبشن كيزري قبل كدة لو تفتكروا انا مش هكتب انا كان بيحصلي ايه بس ابويا كمان سفرنا السعودية وانا عندي ١١ سنة وشفت هناك حاجات اوسخ زائد العنف اللي بتعرضله بهدلة ومرمطة واهانة ومعاملة وسخة وسرقة وتحرش وتنمر في المدرسة انا ف ٣ ثانوي كنت على شفا حفرة من الانتحار وسعات كنت بعدي الشارع من غير ما ابص يمين ولا شمال عايز عربية تخبطني والناس كانت تفرمل وبسمع اوسخ شتايم، انا لما كنت اقرا عن مشاكل الناس على ايجبشن ميزري مثلا بكتشف ان اللي شفته ف حياتي ده محصلش لحد، انا جالي شيزوفرينيا و
Post traumatic stress disorder caused by childhood events
انا معديش أصحاب ولا حد استشيرة او يساعدني حتى المعارف القليلين رجعت اقعد ع القهوة بلاقيهم مش مهتمين ولما بقعد بيمشوا بعد ما اجي ب ٥ دقايق
انا كل يوم بتخانق مع اهلي بسبب الحالة المادية الزفت اللي احنا فيها ولو قلت لهم عايز حتى ٥ جنيه اجيب فول وطعمية مبسمعش منهم غير كلمة "مفيش معييش مفيش معييش" وبقولهم عايز تعويض عن اللي شفته ف حياتي وعايز تنازل رسمي عن كل ممتلكاتكم وان اخواتي الاتنين دول مش احسن مني وخليهم يشوفوا اللي انا شفته وهما طبعا فاكرني مجنون
ارجوكم يا انونز قولولي اعمل ايه انا زي ماقلت معنديش اصحاب ولا حد استشيره وعارف ان في ناس هتستظرف هنا وانا مستعد ارد على كل حاجة
انا عايز الفلوس دي كتعويض وكمان كلمت معهد في بريطانيا و ردوا عليا البكالوريوس فيه سنتين ومش شارطين سنة تحضيرية